إتهام سائق توك توك بالتهرب الضريبي بـ 244 مليون جنيه

كشفت التحقيقات في اتهام سائق بمنطقة البساتين يدعى حسن.ع 54 سنة يعمل سائق توك توك، بالتهرب الضريبي بمبلغ يصل لـ 244 مليون جنيه كونه شريكا في شركة للدعاية والإعلان.

وفي التفاصيل كشفت التحقيقات إتهام سائق “توك توك” يدعى حسن ع. بمنطقة البساتين جنوب القاهرة في قضية تهرب ضريبي بقيمة 244 مليون جنيه.

وقال حسن ع. أمام جهات التحقيق: “اللي حصل أن انا كنت ساكن في شقة وبعد وفاة والدتي صاحب الشقة أخدها علشان كانت إيجار”.

وأضاف “بعد كده يوم 21 فبراير 2021 كان في حد جه من مكتب بريد المعادي على العنوان القديم، وأخويا قابله علشان ساكن جنب بيتى اللي فيه عنواني القديم، وسلمه جواب من الضرائب، مفاده أني لازم أروح بنفسي استلم جواب الضرائب من مكتب بريد المعادي ورحت دخلت مكتب مدير بريد العادي، وأداني جواب جاي من مصلحة الضرائب المصرية وطلبت يفتح الجواب ويقرأ علشان مش بعرف أقرأ، وفتح الجواب وطلع منه خمس إخطارات من مصلحة الضرائب تفيد بأني مديون المصلحة الضرائب بـ 244 مليون جنيه”.

وتابع قائلا: “أنا اتصدمت وقولتله أنا معرفش حاجة عن الكلام ده، وقالي روح الضرائب أسأل، وروحت مصلحة ضرائب العباسية وقابلت مدير الضرائب بالعباسية، واكتشفت أنو عليا ضرائب بمبلغ 244 مليون جنيه، علشان أنا شريك في شرکة تضامن ومعايا شركاء، ولقيت نفسي مطالب بسداد الضرائب دي علشان أنا شريك متضامن فيها”.

وأردف بالقول “أنا قولته أنا معرفش حاجة عن الموضوع ده وبعدين مدير المصلحة جابلي الموظف المسؤول عن الموضوع، وقالي أني ممكن الموضوع ده كله معمول من غير علمك، وقالي ممكن يكون التوكيل اتعمل لمحامي والمحامي استخدم التوكيل وقدمه للضرائب.. وبعد كده أنا روحت عملت محضر في القسم”.

ارتفاع إنتاج الذهب بمنجم السكري