تامر عاشور يتصدر جوجل

تصدر الفنان تامر عاشور تريند محرك البحث جوجل بعدما كشف عن صوت مصر الحقيقي خلال حلوله ضيفا على برنامج ”حبر سري“ الذي تقدمه الإعلامية أسما إبراهيم عبر شاشة القاهرة الناس، والذي تحدث خلاله عن الكثير من التفاصيل المثيرة.

وقال تامر عاشور في تصريحات لبرنامج ”حبر سري“ عن لقب صوت مصر: ”عندنا في مصر أصوات كتير جدًا حلوة لكن إحنا بنفتقد شوية لإيه اللي حوالين الفن، إنت بتعمل إيه في حياتك غير إنك تطلع تغني؟”.

وتابع تامر عاشور: ”أعتقد إن ده 70 في المئة من حياة الفنان، بتحترم مواعيدك، كلامك، جمهورك، طريقتك، مش كل حاجة تعرض على الجمهور، وشيرين أكتر صوت جبار في الوطن العربي لكن أنغام ملتزمة أوي“.

تامر عاشور: ”أنغام صوت مصر“

وأضاف تامر عاشور: ”الالتزام أهم، محدش حيحبك وإنت مش ملتزم، لو لي مشاكل مع طوب الأرض محدش هيسمعني، وشيرين أما بتقدم حفلة بتكسر الدنيا هي وكل الفنانين، وأنا شغال معاها في الألبوم اللي جاي ومقدم لها لحن في الألبوم اللي جاي.. وهي من منطقتي، من تفوز بلقب صوت مصر؟.. أعتقد أنها أنغام لأنها ملتزمة“.

وواصل: ”ماينفعش عمرو مصطفى يقول كل اللي عملوا أغاني قبل كده وبعد كده مش ناجحين، في حين إن في ناس كتيرة ناجحة، مش شرط يقول كلام عني شخصيا، لكن مينفعش تقول كل اللي في بلدك مش ناجحين لمجرد إن ليك مشكلة مع شخص واحد“.

وأضاف متحدثا عن انتقادات عمرو مصطفى: ”ينتقدني زي ما هو عايز، وفي الآخر الجمهور موجود، لكن مفيش حد ممكن يذوق النجاح إلا من على جيتار عمرو مصطفى دي بدعة، ومينفعش أنصب نفسي إله الفن، واللي مش هيشتغل معايا وقع“.

سيرين عبد النور تحتفل بعيد ميلاد ابنتها